Yanvarın 12-də konqresmen Rendi Fayn qanunverici orqanın müzakirəsinə “Qrenlandiyanın anneksiyası və ona ştat statusunun verilməsi haqqında” qanun layihəsini təqdim edib. Sənəd ABŞ Nümayəndələr Palatasının rəsmi saytında dərc olunub.
“Qrenlandiyaya nəzarət edən şəxs Arktikadakı əsas dəniz nəqliyyatı marşrutlarına və Birləşmiş Ştatları qoruyan təhlükəsizlik arxitekturasına nəzarət edir”, — deyə cənab Fayn bildirib. Onun sözlərinə görə, ABŞ vəziyyəti ölkənin təhlükəsizliyini sarsıtmağa çalışan “rejimlərin əlinə” buraxa bilməz.
Layihəyə dair izahatda qeyd olunur ki, sənəd ABŞ prezidentinə Qrenlandiyanın ABŞ ərazisi kimi əldə edilməsi üçün “istənilən zəruri addımları” atmağa icazə verir. Bununla yanaşı, Konqresə Qrenlandiyanın ABŞ ştatı statusunda qəbulunun başa çatdırılmasına imkan verən qanunvericilik dəyişikliklərini əks etdirən ətraflı hesabat təqdim edilməlidir.
Bir gün əvvəl ABŞ prezidenti Donald Tramp ABŞ-nin “bu və ya digər şəkildə” Qrenlandiya üzərində nəzarəti əldə edəcəyini bildirib. Əks halda, onun fikrincə, adaya Çin və ya Rusiya iddia edə bilər.
