ain.az, Oxu.az portalına istinadən məlumat yayır.
Yol üzərində heç bir xətləmə yoxdur, üstəlik, yol hərəkəti ilə bağlı nişanlar da yetərli deyil. Bu vəziyyət isə ərazidə xaotik şəraitin yaranmasına səbəb olur. Söhbət Binəqədi qəsəbəsindən gedir.
Binəqədinin mərkəzində xaos: "15 dəqiqəlik yolu saat yarıma gedirik"
"Mərkəz Binəqədi" kimi tanınan meydanda hökm sürən bu qarışıqlıq artıq sakinləri də cana yığıb. Sürücülərin avtomobilləri nizamsız şəkildə idarə etməsi həm yol-nəqliyyat hadisəsi riskini artırır, həm də piyadaların həyatını təhlükə altına alır.
Sakinlərdən biri bildirib: "Burada demək olar ki, hər gün hadisə baş verir. Çox qarışıqlıqdır, insanların gediş-gəlişi çətinləşib. Avtomobillər tıxacda qalır, kim kimə yol verməlidir, bilinmir".
Digər sakin isə qeyd edib: "Nişanlar, işıqfor yoxdur. Ona görə də yolun kimə məxsus olduğu bilinmir və tez-tez qəzalar baş verir. Sıxlıq yaranır, saatlarla yolda qalırıq. 15 dəqiqəlik yolu bir saat yarıma gedirik".
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
