ABŞ Hərbi Dəniz Qüvvələri Yaxın Şərq regionuna üç raket esminesi və azı bir raket daşıyan sualtı qayıq yerləşdirib. Bu barədə The New York Times məlumat yayıb.
KONKRET.az xəbər verir ki, məlumatda qeyd olunur ki, ABŞ Prezidenti Donald Trampın İrana qarşı hərbi zərbə endirmək imkanları məhduddur. Buna səbəb ötən payız regionu tərk edən və hazırda Karib dənizində yerləşən “Gerald R. Ford” aviadaşıyıcısının Yaxın Şərqdə olmamasıdır.
Eyni zamanda, Reuters agentliyinin gəmiçilik mənbələrinə istinadən yaydığı xəbərə görə, regionda artan gərginlik fonunda son günlər İrana məxsus limanlardan uzaqda onlarla ticarət gəmisi lövbər salaraq gözləmə mövqeyində dayanıb.
“MarineTraffic” gəmi izləmə şirkətinin məlumatına əsasən, azı 25 balkaşıyıcı gəmi İranın müstəsna iqtisadi zonasında və Xomeyni limanı yaxınlığında hərəkətsiz vəziyyətdədir. Şirkətin digər məlumatları isə göstərir ki, daha 25 gəmi — o cümlədən konteyner və yük gəmiləri İranın cənubunda, Bəndər-Abbas limanı ətrafında lövbər salıb.
Mütəxəssislər hesab edirlər ki, bu vəziyyət Yaxın Şərqdə təhlükəsizlik risklərinin artdığını və mümkün eskalasiyadan ehtiyat edildiyini göstərir.
KONKRET.az
