Mərakeşdə keçirilən Afrika Millətlər Kubokunda finalçılar bəlli olub.
Fanat.Az xəbər verir ki, ilk yarımfinal matçında Seneqal ilə Misir milli komandaları qarşılaşıb.
Seneqal Məhəmməd Salahın komandasını 1:0 hesabı ilə məğlub edərək adını finala yazdırıb. Oyunda yeganə qolu 78-ci dəqiqədə Sadio Mane vurub.
Ev sahibi Mərakeş isə Nigeriya ilə qarşılaşıb. Əsas və əlavə vaxtı qolsuz bərabərliklə (0:0) başa çatan oyunun taleyini penaltilər seriyası həll edib. Bu seriyada daha dəqiq olan (4:2) Mərakeş millisi həlledici oyuna vəsiqə qazanıb.
Beləliklə, final oyununda Mərakeş və Seneqal yığmaları qarşılaşacaqlar. Qalibin adına yanvarın 18-də aydınlıq gələcək.
