“Qarabağ”ın maraq dairəsində olan Franko Kovaçeviç karyerasını Şotlandiyada davam etdirməyə qərar verib.
İdmanxeber.az-ın məlumatına görə, xorvatiyalı hücumçu “Seltik”lə razılıq əldə edib. Qlazqo klubu 26 yaşlı futbolçu üçün Sloveniyanın “Selye” klubuna 2,5 milyon avro ödəyəcək.
Transferin yaxın günlərdə rəsmiləşəcəyi gözlənilir.
Kovaçeviçə “Qarabağ”la yanaşı “Ferentsvaroş”, “Levski Sofiya” və “Legiya Varşava” da maraq göstərib. Hücumçu bu mövsüm “Selye”nin heyətində 28 oyunda 25 qol vurub.
