Ukrayna və Amerika nümayəndə heyətləri sabah- 17 yanvarda Mayamidə görüşəcəklər. Onlar, digər məsələlərlə yanaşı, Ukrayna üçün təhlükəsizlik zəmanətləri ilə bağlı sənəd üzərində işləyəcəklər.
Bu barədə RBC-Ukrayna Ukraynanın ABŞ-dakı səfiri Olqa Stefanişinaya istinadən məlumat verib.
AzNews.az-ın məlumatına görə, Stefanişina bildirib ki, Ukrayna gələcək təhlükəsizlik arxitekturası və uzunmüddətli iqtisadi inkişafla bağlı ABŞ ilə fəal məsləhətləşmələri davam etdirir.
"Sabah Florida ştatının Mayami şəhərində Milli Təhlükəsizlik və Müdafiə Şurasının katibi Rüstəm Umerov, Prezident Administrasiyasının rəhbəri Kirill Budanov və "Xalqın Xidmətçisi" parlament fraksiyasının rəhbəri David Araxamianın iştirakı ilə danışıqlar keçiriləcək", - deyə o qeyd edib.
Səfirin sözlərinə görə, Ukrayna və ABŞ iki əsas sənəd üzərində işləyir - Ukrayna üçün 800 milyard dollara qədər dəyərində təhlükəsizlik zəmanətləri və iqtisadi rifah haqqında saziş. Bu cür sazişlər 19-23 yanvar tarixlərində Davosda keçiriləcək Dünya İqtisadi Forumunda imzalana bilər.
"Səfərin məqsədi bu razılaşmaları amerikalı tərəfdaşlarla Ukraynanın milli maraqlarına maksimum dərəcədə cavab verəcək şəkildə yekunlaşdırmaqdır", - deyə o bildirib.
