Suriya ordusu 2 aeroportu ələ keçirdi

Suriya ordusu Er-Rassafa və Tabka hava limanını nəzarət altına aldığını bəyan edib.

Paralel.az xəbər verir ki, bu barədə Suriya dövlət televiziyası Al-İxbaria məlumat yayıb.

Bildirilib ki, Suriya ordusu Rakka əyalətinin cənubunda yerləşən Er-Rassafa qəsəbəsini və ətrafdakı yeddi kəndi YPG/SDG separatçı qüvvələrindən təmizləyib.

Ordu bölmələri həmçinin YPG/SDG-nin əsas mövqelərindən biri sayılan Tabka hava limanını nəzarət altına alıb. Hazırda Tabka şəhərinin özündə qızğın döyüşlər davam edir.