Afrika Millətlər Kubokunun final oyununda qalmaqal yaşanıb. Seneqal millisinin baş məşqçisi Pap Tiyav qarşılaşmanın 90+8-ci dəqiqəsində qapılarına təyin olunan penaltiyə etiraz edərək komandanı meydandan çıxarıb.
QOL.az xəbər verir ki, yaranmış gərgin vəziyyətdə Seneqal millisinin kapitanı Sadio Mane komandaya müdaxilə edərək oyunun davam etdirilməsinə nail olub.
Bundan sonra Seneqal yığması meydana qayıdıb. Mərakeş millisinin üzvü Brahim Dias isə penaltini dəqiq yerinə yetirə bilməyib.
Hazırda Seneqal və Mərakeş yığmaları arasında davam edən görüşü Konqo Demokratik Respublikasından olan baş hakim Jan-Jak Ndala Nqambo idarə edir.
