Qeyd edim ki, İsrail də Suriyada kürd muxtariyyətinin formalaşmasına açıq və ya dolayı şəkildə dəstək verən tərəflərdən biri olub. Bu isə regionda parçalanma və yeni münaqişə risklərini daha da artırırdı.
Əgər İraq Kürd Muxtariyyətinin peşmərgə qüvvələri Həsəkə bölgəsində Suriya ordusu ilə toqquşmalara cəlb edilərsə, Türkiyənin İraq Kürd Muxtariyyətinə qarşı ciddi siyasi və hərbi təzyiqlər göstərməsi istisna edilmir. Ankara bu cür ssenarini öz milli təhlükəsizliyinə birbaşa təhdid kimi qiymətləndirir.
On ildən artıq Suriyanın şimal-şərqində fəaliyyət göstərən YPG terror təşkilatının mövcudluğuna faktiki olaraq son qoyulur. Bu proses Türkiyənin regional güc kimi mövqeyini daha da möhkəmləndirir. Ankara artıq təkcə Suriyada deyil, ümumilikdə Yaxın Şərqdə əsas söz sahibi və aparıcı oyunçulardan biri kimi çıxış edir. Türkiyənin Qəzza zolağı ilə bağlı mövqeyi də bunun açıq göstəricisidir.
ABŞ prezidenti Donald Tramp administrasiyası YPG ilə əməkdaşlıqdan imtina edərək, Suriya və Türkiyə ilə birbaşa əməkdaşlığa üstünlük verdi. Bu, Vaşinqtonun regionda reallıqları qəbul etməsinin göstəricisi idi. Suriyadakı neft yataqlarından isə ABŞ-ın istifadə etməsi davam edəcək. Bu, həm ABŞ-ın iqtisadi maraqlarına, həm də Trampın praqmatik siyasət xəttinə uyğundur.
Suriyada YPG layihəsinin iflası təkcə bir terror strukturunun sıradan çıxarılması deyil, eyni zamanda Yaxın Şərqdə xəritə dəyişdirməyə yönəlmiş ABŞ-İsrsilin planlarının pozulması deməkdir".
Təklifinizi, şikayətinizi bizə yazın. Sizi dinlərik. 055 634 88 31
