Apa.az saytından əldə olunan məlumata görə, ain.az məlumat yayır.
Azərbaycanın Türkiyədəki hərbi attaşesi və səfirlik nümayəndələri C-130 təyyarə qəzasında şəhid olan hərbçinin ailəsini ziyarət edib.
APA-nın Türkiyə bürosu xəbər verir ki, Azərbaycanın Türkiyə Respublikasındakı Səfirliyi nəzdində hərbi attaşe, Vətən Müharibəsi Qəhrəmanı, general-mayor Zaur Zeynalov, Hərbi Attaşelik Aparatının nümayəndələri və Türkiyə Milli Müdafiə Nazirliyinin nümayəndələri şəhid pilot, polkovnik-leytenant Gökhan Qorxmazın ailəsini ziyarət ediblər.
Ziyarət zamanı şəhidin ailəsinə Azərbaycan Respublikasının müdafiə naziri, general-polkovnik Zakir Həsənovun başsağlığı mesajı çatdırılıb.
Qeyd edək ki, yaxın günlərdə təyyarə qəzasında şəhid olan 20 hərbçinin ailəsinin də ziyarət olunması nəzərdə tutulub.
Xatırladaq ki, noyabrın 11-də Azərbaycandan Türkiyəyə istiqamətlənən Türkiyəyə məxsus C130 tipli hərbi nəqliyyat təyyarəsi Gürcüstan ərazisində qəzaya uğrayıb. Qəza nəticəsində təyyarədə olan 20 hərbçinin hamısı həyatını itirib.
Ən son xəbərləri və yenilikləri almaq üçün ain.az saytını izləyin.
