Məlum olur ki, tamamilə sakit görünsəniz belə, heyvana qarşı qeyri-müəyyənliyinizi göstərən bioloji bir mexanizm var.
QHT.az xəbər verir ki, uzun müddət emosiyaları hiss etmək qabiliyyətinin yalnız itlərə məxsus olduğu düşünülsə də, yeni tədqiqatlar atların da insan qorxusunu qoxu ilə müəyyən edə bildiyini göstərir. Fransanın Tur Universitetinin alimləri müəyyən ediblər ki, qorxmuş insanlardan gələn tər qoxusu atlarda nəbzin artmasına, ehtiyatlı davranışa və insana yaxınlaşmaqdan çəkinməyə səbəb olur.
Qorxu zamanı ifraz olunan stress hormonları tərin kimyəvi tərkibini dəyişir və bu “kimyəvi imza” həssas burunlu heyvanlar tərəfindən dərhal hiss edilir. Təcrübələrdə “qorxu qoxusu”na məruz qalan atlar daha tez qorxub, tanımadıqları obyektlərə qarşı daha ehtiyatlı olublar, neytral və ya xoş qoxularda isə sakit davranıblar.
Alimlər bildirirlər ki, bu qabiliyyət atlarda sağ qalma instinkti ilə bağlıdır və insan–heyvan əlaqəsinin nə qədər güclü olduğunu göstərir. Araşdırmalar həmçinin atların ağrını insanlar qədər hiss etdiyini və “qalın dərili” olmalarının onları zərbədən qoruyan mexanizm yaratmadığını ortaya qoyur.
R.İmanov
