Salyan, 19 yanvar, Aydın Yavərzadə, AZƏRTAC
Salyan rayonu ərazisində yük maşını və minik avtomobilinin toqquşması ilə nəticələnən yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, hadisə bu gün saat 17 radələrində Ələt-Astara avtomobil yolunun Salyan şəhəri ərazisindən keçən hissəsində qeydə alınıb. Hadisə zamanı bir nəfər ölüb, bir nəfər xəsarət alıb. Yaralı Salyan Rayon Mərkəzi Xəstəxanasına yerləşdirilib.
Faktla bağlı araşdırma aparılır.
