ain.az bildirir, Bizimyol saytına əsaslanaraq.
Sasseks hersoginyası Meqan Markl Böyük Britaniyaya qayıdacağı təqdirdə ciddi problemlərlə üzləşə və psixoloji gərginlik yaşaya bilər.
Bizimyol.info xəbər verir ki, bu fikri "The Express" qəzetinə müsahibəsində kral ailəsi üzrə ekspert Riçard Fitsvilyams səsləndirib.
Ekspertin sözlərinə görə, kral ailəsində yaranmış parçalanma hələ də aradan qalxmayıb: “Düşünürəm ki, o, özünü narahat hiss edəcək. Kral ailəsindəki çat hələ sağalmayıb. Sorğulara əsasən, Meqan Marklın reytinqi təxminən 20 faizdir, əhalinin üçdə ikisi isə ona qarşıdır ki, bundan pis vəziyyət təsəvvür etmək çətindir. Mətbuat onu sevmir və bu da əlavə problemlər yaradacaq”, – deyə Fitsvilyams bildirib.
Daha əvvəl verilən xəbərlərə görə, Meqan Markl son dörd il ərzində ilk dəfə Böyük Britaniyaya səfər edə bilər. Gözləntilərə əsasən, bu yay onun həyat yoldaşı şahzadə Harri “İnvictus Oyunları” ilə bağlı tədbirlərdə iştirak etmək üçün Birmingema gedəcək və Meqan Markl da onu müşayiət edəcək. Lakin bu məlumat hələlik rəsmi səviyyədə təsdiqlənməyib.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
