Bakıxanov qəsəbəsində Muxtar Fətəliyev küçəsi 102-C ünvanında stomatoloji klinika qanunsuz fəaliyyət göstərərək pasiyent qəbulu və tibbi xidmət prosesini aktiv şəkildə həyata keçirir.
Bakıxanovdakı stomatoloji klinikada təklif olunan xidmət: Həkimin diplomu yox, lisenziyası yox, gigiyena heç yox desək yerinə düşər.
Belə ki, stomatoloji xidmət dünyada təkcə estetik və ya rahatlıq məsələsi deyil. Bu, insan sağlamlığına birbaşa təsir edən tibbi sahədir.Hər pasiyent stomotoloq həkimin bacarığı ilə bərabər həm də peşəkarlığına və gigiyenik təhlükəsizliyə güvənmək istəyir. Ölkəmizdə həkim diplomu olmayan ancaq “diş texniki” adı altında stomotoloji həkim kimi fəaliyyət göstərən xeyl sayda şəxslər var. Aidiyyatı qurumlar stomotoloji həkim kimi fəaliyyət göstərən bu “diş texnik”lərinə qarşı mübarizəni sərtləşdirsələrdə, yenə də onlar fəaliyyətlərini müxtəlif yollarla davam etdirirlər.
Paytaxt.org "AzFakt"-a istinadla xəbər verir ki, sosial şəbəkələrdə yayılan məlumatlarda Bakıxanov qəsəbəsi Muxtar Fətəliyev küçəsi 102C ünvanında fəaliyyət göstərən “Mir Dent” klinikasında stomotoloq həkimi kimi fəaliyyət göstərən Fərid Hüseyn adlı şəxsin nə ali təhsili, nə də qanunla tələb olunan sertifikatı yoxdur.
