Şaxtalı hava şəraiti və qar yağması ilə əlaqədar olaraq Şuşa Şəhəri Dövlət Qoruğu İdarəsinin Mənzil-Kommunal və Təmir Xidməti gücləndirilmiş iş rejimində çalışır.
Şuşa Şəhəri Dövlət Qoruğu İdarəsindən AZƏRTAC-ın bölgə müxbirinə bildirilib ki, qarın təmizlənməsi ilə bağlı gecə və səhər saatlarında operativ tədbirlər həyata keçirilir, xidmətin xüsusi təyinatlı texnikası tərəfindən şəhərin bütün küçələrinə texniki duz səpilir, qardan təmizləmə işləri aparılır.
