ABŞ hərbi qüvvələri Karib dənizində “Sagitta” adlı neft tankerini insidentsiz şəkildə ələ keçirib. Vətəninfo.az xəbər verir ki, bu barədə ABŞ Cənub Komandanlığı (SOUTHCOM) məlumat yayıb.
Açıqlamada bildirilir ki, tanker ABŞ Prezidenti Donald Trampın Karib dənizində sanksiyaya məruz qalmış gəmilərə tətbiq etdiyi karantin rejimini pozduğu üçün ələ keçirilib. Komandanlıq əlavə edib ki, bu əməliyyat ABŞ-ın Venesueladan çıxan neftin yalnız qanuni və koordinasiya olunmuş şəkildə daşınmasını təmin etmək niyyətini göstərir.
SOUTHCOM-un məlumatına görə, “Sagitta” ABŞ tərəfindən ələ keçirilən yeddinci neft tankeridir. Komandanlığın məsuliyyət zonasına Mərkəzi və Cənubi Amerika, eləcə də Karib dənizi daxildir.
ABŞ rəsmi şəxsləri bu tədbirlərin amerikalıların təhlükəsizliyini təmin etmək və bölgədə sabitliyi qorumaq məqsədi daşıdığını vurğulayıb.
