ain.az xəbər verir, Redaktor.az saytına əsaslanaraq.
"Bu mövzu ilə bağlı araşdırma apararkən dünyada həyata keçirilmiş bir çox elmi tədqiqat işlərini təhlil etdim və müəyyən olundu ki, dünyada bu sahədə geniş praktika mövcuddur. Bu praktikanın isə həm əhəmiyyətli, həm də çoxsaylı ziyanlı tərəfləri var".
Redaktor.az xəbər verir ki, bunu Səhiyyə Nazirliyinin rəsmi instaqram səhifəsindəki canlı yayım zamanı qrup diet proqramlarının sağlamlığa təsiri haqqında qastroenteroloq Emin Məmmədov bildirdi.
Onun sözlərinə görə, bu pəhriz proqramlarını və qrup pəhrizlərini kimlər hazırlayır və kimlər tərəfindən insanlara tətbiq olunur:
"Bu, olduqca önəmlidir. Əsas məsələlərdən biri də ondan ibarətdir ki, bu qrup proqramlarını hazırlayan şəxslər mütləq şəkildə sertifikatlaşmadan keçmiş və ixtisaslı dietoloqlar olmalıdırlar. Əks halda, bütün qrup pəhrizləri və insan orqanizminə yönəlmiş bu cür müdaxilələr, pəhriz və digər oxşar yanaşmalar ciddi risklər yarada və təhlükəli sağlamlıq problemlərinə səbəb ola bilər".
Nuriyyə NATİQQIZI
Daha ətraflı məlumat və yeniliklər üçün ain.az saytını izləyin.
