Çin Kənd Təsərrüfatı və Kənd Yerləri İşləri Nazirliyi rəsmiləri ölkədə quraqlıq, sel və bəzi bölgələrdə uzunmüddətli yağışlara baxmayaraq 2025-ci ildə taxıl istehsalının yeni tarixi maksimuma yüksəldiyini açıqlayıb.
Nazirliyin məlumatına görə, Çinin 2025-ci il taxıl istehsalı təxminən 714,9 milyon ton olub. Bu səviyyə əvvəlki ilə nisbətən 8,4 milyon ton artım deməkdir. Beləliklə, Çində taxıl istehsalı iki il ardıcıl olaraq 700 milyon tonun üzərində qeydə alınıb.
SOYA MƏHSULUNDA 20 MİLYON TON SƏRHƏDİ QORUNUR
Rəsmi şəxslər soya paxlası və yağlı toxum əkin sahələrinin genişləndirilməsinə yönələn addımların nəticələrinin stabil şəkildə möhkəmləndiyini bildirib. Açıqlamaya görə, 2025-ci ildə soya paxlası istehsalı 20,91 milyon ton səviyyəsində olub. Soya istehsalının dörd il ardıcıl olaraq 20 milyon tonun üzərində olduğu vurğulanıb.
