“Barselona”nın yarımmüdafiəçisi Frenki de Yonq UEFA Çempionlar Liqasının ümumi mərhələsinin son turunda “Kopenhagen”lə oyunu buraxacaq.
İdmanxeber.az-ın məlumatına görə, niderlandlı futbolçu Praqa “Slaviya”sı ilə matçda (4:2) sarı vərəqə limitini doldurduğu üçün bir oyunluq diskvalifikasiya alıb.
Qeyd edək ki, yanvarın 28-də keçiriləcək görüş “Barselona”nın ev stadionunda baş tutacaq.
Hazırda turnir cədvəlində 9-cu pillədə yer alan Kataloniya klubu ilk səkkizliyə düşməmək təhlükəsi ilə qarşı-qarşıyadır.
