Mütəxəssislər yaşla əlaqəli saç ağarmasının qarşısını almaq üçün sadə və perspektivli bir həll yolu kəşf ediblər.
E-saglam.az-ın məlumatına görə, Naqoya Universitetinin tədqiqatçıları təbii antioksidant lüteolinin bu prosesi effektiv şəkildə yavaşlada biləcəyini aşkar ediblər.
İnsanlar kimi, genetik olaraq saçlarının ağarmasına meylli siçanlar üzərində aparılan təcrübələrdə lüteolin heyrətamiz təsir göstərib. Həm daxildən, həm də topikal olaraq verilən bu maddə heyvanlarda qara tüklərini saxlayıb, digərləri isə boz rəngə çevrilib. Tədqiq edilən digər iki antioksidant - hesperitin və diosmetin - oxşar təsir göstərməyib.
Tədqiqatın rəhbəri professor Masaşi Kato etiraf etdi ki, bu nəticə gözlənilməz idi. Kəşf lüteolinin saçların ağarmasının qarşısını almaqda unikal terapevtik təsirə malik ola biləcəyini göstərir.
Luteolinin təsir mexanizmi, saç rəngindən məsul olan melanositlərin fəaliyyətini dəstəkləyən endotelin adlanan ixtisaslaşmış zülallara təsiri ilə əlaqələndirilir. Bundan əlavə, maddənin saç böyüməsinə və ya tökülməsinə demək olar ki, heç bir təsiri yoxdur və bu da onun təsirini yüksək dərəcədə hədəfə yönəlmiş edir.
Luteolin təbii olaraq kərəviz, brokoli, yerkökü, soğan və bibər kimi tərəvəzlərdə olur.
Tərcümə: Könül Oruc
E-saglam.az
