Kamil Dərələyəzlinin “Qərbi Azərbaycan ziyalıları: görkəmli dövlət, elm, mədəniyyət və əmək xadimləri” adlı yeni kitabı işıq üzü görüb.
QHT.az xəbər verir ki, kitabın elmi redaktoru Tarix üzrə fəlsəfə doktoru, professor Cəbi Bəhrəmov, rəyçiləri isə tarix üzrə fəlsəfə doktoru, dosent Nazim Mustafayev, tarix üzrə fəlsəfə doktoru, dosent Elmar Məhərrəmovdur. Kitabda mənbələrə əsaslanan Qərbi Azərbaycanda dünyaya göz açan, əmək fəaliyyətlərinin bir hissəsini doğulduqları doğma torpaqlarda gerçəkləşdirən ziyalıları, görkəmli dövlət, elm və mədəniyyət xadimlərinin həyat və fəaliyyətindən bəhs edilir. Müəllif tərəfindən əldə edilən fotoşəkillər də kitaba daxil edilmişdir.
Kamil Məmmədovun uzun illərdir üzərində çalışdığı bu kitab gələcək nəsillərin elmi araşdırmalar, tədqiqatlar zamanı istinad edəcəyi mükəmməl bir mənbədir.
