"Ümid edirəm ki, "Qarabağ"la matçda da bugünkü kimi uğurlu çıxış edə biləcəyik”.
Sportinfo.az xəbər verir ki, bunu "Liverpul"un futbolçusu Ceremi Frimponq Çempionlar Liqasının əsas mərhələsinin VII turunda Fransada yerli "Marsel"i 3:0 hesabı ilə məğlub etdikləri oyundan sonra deyib.
UEFA-ya açıqlamasında niderlandlı müdafiəçi komandasının çıxışını şərh edib: "
Yaxşı oyun nümayiş etdirdik, həm müdafiədə, həm də hücumda effektiv olduq. Çoxlu qol şansları yaratdıq və layiqli qələbə qazandıq".
Frimponq Çempionlar Liqasında Azərbaycan çempionu ilə keçiriləcək matçı barədə də danışıb:
"Bu mərhələni ilk səkkizlikdə bitirmək istəyirik. Gələn həftə “Qarabağ”la oyunumuz var.
Ümid edirəm ki, həmin matçda da bugünkü kimi uğurlu çıxış edə biləcəyik".
