Cəlilabadda keçmiş vəzifəli şəxsin meyiti tapıldı

Cəlilabad rayonunda keçmiş vəzifəli şəxsin meyiti aşkar edilib.

Paralel.az xəbər verir ki, 1976-cı il təvəllüdlü Rəşad Salmanovun meyiti rayon ərazisində yerləşən ata evində tapılıb.

Məlumata görə, mərhum 3 övlad atası olub. Bildirilir ki, yaxın vaxtlarda övladlarından birinin nişan mərasimi keçirilib.

Rəşad Salmanovun dayısı, vaxtilə Cəlilabad Rayon Təhsil (Maarif) İdarəsinin müdiri vəzifəsində çalışmış Ədalət Əsgərov olub.

O isə həmin idarənin mühasibi, sonra isə rayon mədəniyyət sektorunun müdiri vəzifələrində çalışıb.

Faktla bağlı hüquq-mühafizə orqanları tərəfindən araşdırma aparılır.

Ölümün səbəbləri dəqiqləşdirilir.