Türkiyənin Superliqasının 19-cu turunda “Qaziantep” “Konyaspor”u qəbul edib.
İdman.Biz xəbər verir ki, qarşılaşma 1:1 hesablı heç-heçə ilə yekunlaşıb.
Ev sahibləri hesabı 45+3-cü dəqiqədə Deian Soreskunun qolu ilə açıb. “Konyaspor”u məğlubiyyətdən xilas edən qol isə 88-ci dəqiqədə Blaz Kramer tərəfindən vurulub.
Bu nəticədən sonra qələbəsizlik seriyası altı oyuna çatan “Qaziantep”nin xalı 25-ə yüksəlib. Qələbə həsrəti doqquz oyuna çatan “Konyaspor” isə 19 xalla kifayətlənib.
Növbəti turda “Qaziantep” səfərdə “Gənclərbirliyi” ilə, “Konyaspor” isə “Beşiktaş”la üz-üzə gələcək.
