Politico: “Aİ rəhbərliyində qarşıdurma yaranıb”

AzVision.az xəbər verir ki, avropalı məmura istinad edən “Politico” nəşri belə məlumat yayıb.

“İki siyasətçi arasındakı münasibət Ursula fon der Lyayenin və Kaja Kallasın sələfi Josep Borrell arasındakı qarşılıqlı münasibətlər dövründəkindən daha gərgindir”,- mənbə iddia edib
.
Nəşrin yazdığına görə, estoniyalı Kaya Kallasın Aİ iyerarxiyasındakı mövqeyi onun ispaniyalı sələfindən daha zəifdir. Liberal qüvvələrin Borrelin təmsil etdiyi ispan sosialistləri ilə müqayisədə daha az siyasi çəkiyə malik olması vəziyyəti daha da mürəkkəbləşdirir.

Fon der Lyayen Kaya Kallası üstələyib

Əlavə bir amil səlahiyyətlərin yenidən bölüşdürülməsi olub:Kallas AK-də Yaxın Şərq, Şimali Afrika və Körfəz Dövlətləri üzrə Baş Direktorluğun (DG MENA) yaradılmasından sonra Aralıq dənizi istiqamətinə nəzarət etməkdən faktiki olaraq uzaqlaşdırılıb.

Eyni zamanda, AK Avropa Xarici Fəaliyyət Xidmətinin (EEAS) personalının sayını azaltmağı düşünür.

Xatırladaq ki, hələ ötən il oktyabrın sonunda Almaniyanın Die Welt” qəzeti Avropa diplomatiyasının rəhbəri Kaya Kallasın kadr qərarının AK sədri Ursula fon der Lyayenlə qarşıdurmaya səbəb olduğunu yazmışdı.

Sahil İsgəndərov
AzVision.az