ABŞ-ın Cenevrədəki Beynəlxalq Təşkilatlar yanında Daimi Nümayəndəliyi bildirib ki, ABŞ təşkilatdan çıxdıqdan sonra Ümumdünya Səhiyyə Təşkilatındakı bayrağını götürüb.
QHT.az xəbər verir ki, Cenevrə missiyası sosial mediada elan edib ki, "Cenevrədəki Daimi Nümayəndəlik və Dəniz Piyadaları dəstəsi ÜST-də asılmış bayrağı geri qaytarıb. COVID pandemiyası zamanı həlak olan amerikalılara həsr olunmuş bayraq Dövlət katibi Marko Rubio tərəfindən ABŞ-a qaytarılır".
ABŞ, Prezident Donald Trampın icra sərəncamı ilə prosesə başladıqdan düz bir il sonra, 22 yanvarda Ümumdünya Səhiyyə Təşkilatından çıxdığını elan etdi. BMT Baş katibinin ofisi ABŞ-ın "artıq ÜST-ün işində iştirak etmədiyini" bildirsə də, daha sonra ABŞ-ın qərarın vaxtında bildirilməsi və maliyyə öhdəliklərinin həlli də daxil olmaqla, çıxmaq üçün bütün zəruri rəsmi şərtləri yerinə yetirmədiyini açıqladı.
R.İmanov
