İsrail Turizm Nazirliyi İrana hücum halında ölkədə on minlərlə turistin təxliyəsi üçün hazırlıqların başa çatdığını açıqlayıb.
Turkustan.az xəbər verir ki, nazirliyin bəyanatında zərurət yarandığı halda təxminən 42 min turistin təxliyə edilə biləcəyi qeyd olunub.
Məlumata görə, nazirlik fövqəladə hallarda turistlərə təhlükəsizlik və logistik dəstək təmin etmək üçün İsrail hava məkanının bağlanması da daxil olmaqla ətraflı daxili planlar hazırlayıb.
Həmçinin bildirilib ki, nazirlik ölkə daxilində turistlərin, xüsusən də hotellərdə qalanların yerləşdiyi yerləri xəritələşdirib.
Qeyd edək ki, Tramp daha əvvəl İranla bağlı güc tətbiqi imkanının ciddi şəkildə nəzərdən keçirildiyi barədə xəbərdarlıq etmişdi. İran isə mümkün hücumda bütün vasitələrdən istifadə edərək cavab verəcəyini bildirmişdi./publika.az
