Ayrı bir qaydada orta məktəblərdə smartfonların istifadəsinin qadağan edilməsi də təklif olunur.
QHT.az xəbər verir ki, Fransa 15 yaşdan kiçik uşaqlar üçün sosial mediaya qadağa tətbiq edir. Danimarkanın ardından Fransa da 15 yaşdan kiçik uşaqların sosial mediaya çıxışını məhdudlaşdırmağı təsdiqləyib. Prezident Emmanuel Makron qanun layihəsini dəstəkləyib. Parlamentin aşağı palatası 116 lehinə, 23 əleyhinə səs verərək sənədin əsas müddəaları ilə razılaşıb; indi layihə Senata göndəriləcək.
Əgər Senat təsdiqləsə, Facebook, Instagram, TikTok, X və Snapchat kimi platformalara 15 yaşdan kiçik uşaqların çıxışı qadağan ediləcək, daha az təhlükəli xidmətlər isə valideyn razılığı ilə istifadə edilə biləcək. Məktəblərdə isə mobil cihaz istifadəsi artıq qadağan olunub.
Fransa hakimiyyəti təşəbbüsü uşaqların zehni sağlamlığının qorunması ilə əsaslandırır. 2023-cü ildə oxşar qanun Avropa məhkəmələri tərəfindən bloklanmışdı. Avstraliya isə 2025-ci ildə 16 yaşdan kiçik uşaqlar üçün sosial mediaya qadağa tətbiq etmişdi.
R.İmanov
