Bloger Hüseyn Həsənova qarşı 170 milyon rubl məbləğində (3,8 milyon manat) vergidən yayınma ittihamı ilə qaldırılan cinayət işi ittiham aktının təsdiqlənməsi üçün prokurorluğa təqdim edilib.
Yeniavaz.com TASS agentliyinə istinadla xəbər verir ki, bu barədə Moskva Prokurorluğunun mətbuat xidməti məlumat yayıb.
“İttiham aktının baxılması üçün Cənub İnzibati Dairə Prokurorluğuna bloger Hüseyn Həsənov barəsində cinayət işi daxil olub. İlkin istintaq başa çatıb”, - deyə məlumatda bildirilib.
Qeyd edək ki, Hüseyn Həsənov Rusiya Cinayət Məcəlləsinin 174.1-ci maddəsinin 4-cü hissəsinin “b” bəndi (şəxs tərəfindən cinayət törətmək nəticəsində əldə edilmiş pul vəsaitlərinin leqallaşdırılması (yuyulması)) ilə qiyabi ittiham olunub.
O, qiyabi olaraq həbs edilib və axtarışa verilib.