Qlobal maliyyə bazarlarında ABŞ dollarının əsas valyutalara qarşı zəifləməsi iqtisadçıların və investorların diqqətindədir.
Doğru.az xəbər verir ki, dollar indeksindəki eniş bir çox milli valyutanın mövqeyinə təsir etdiyi kimi, Azərbaycan manatının məzənnəsi ilə bağlı da suallar yaradır.
Liberal İqtisadçılar Mərkəzinin sədri Akif Nəsirli bildirir ki, dollar indeksinin zəifləməsi manatın dollara qarşı möhkəmlənməsinə təzyiq göstərə bilər, amma bu təsir bir neçə amildən – neft gəlirləri, xarici valyuta ehtiyatları və Mərkəzi Bankın siyasətindən asılıdır.
“Dollar zəifləyirsə, manatın dəyəri artmaq ehtimalı var, amma bu həmişə birbaşa və avtomatik baş vermir”, – deyə A.Nəsirli vurğulayıb.
DOĞRU.AZ
