Türkiyədə Malatyanın Battalqazi rayonunda silahlı insident baş verib, yeddi nəfər yaralanıb.
Bakıvaxtı.az xəbər verir ki, Miraç A. Mert Y.-yə əvvəlcə iş yerində, daha sonra isə qaçıb gizləndiyi çayxanaya ov tüfəngi ilə bir neçə dəfə atəş açıb.
Hadisə zamanı Mert Y. və çayxanadakı altı nəfər yaralanıb.
Polis hadisəni törədən şəxsi saxlayıb.
Yaralananlara ilkin tibbi yardım göstərilib və onlar şəhərdəki müxtəlif xəstəxanalara yerləşdirilib.
