Dünya şöhrətli Hollivud aktyoru Silvestr Stallonenin rol aldığı “Rembo” seriyasına yeni bir film əlavə olunur.
"Cebheinfo.az" APA-ya istinadən xəbər verir ki, bu barədə NTV məlumat yayıb.
1982-ci ildə çəkilmiş “İlk qan” filmində baş verən hadisələrdən əvvəlki dövrdə olanlardan bəhs edəcək ekran işinin rejissoru Jalmari Helanderdir.
“Rembo” seriyasından növbəti filmdə Silvester Stallone rol almayacaq.
Yeni filmdə baş qəhrəmanı bu il nümayişi başlayan “Küçə döyüşçüsü” adlı ekran işinin əsas rol ifaçısı Noah Centineo canlandırır. Aktyor heyətində Jason Tobin, Quincy Isaiah, Jefferson White və Tayme Thapthimmhong da yer alır.
Filmin ssenaristləri Rory Haines və Sohrab Noshirvanidir.
Qeyd edək ki, filmin çəkilişlərinə Taylandın Banqkok şəhərində başlanılıb.
"Cebheinfo.az"
