Antioksidantlar sərbəst radikallardan və buna görə də oksidləşdirici stressin yaratdığı hüceyrə zədələnməsindən qoruyur.
Bədəndə bu tip oksidləşmənin inkişafı ateroskleroz, diabet, ürək-damar xəstəlikləri, xərçəng, Alzheymer və Parkinson da daxil olmaqla bir çox xəstəliklə əlaqələndirilir.
Medicina.az xəbər verir ki, 2020-ci ildə aparılan bir araşdırmaya görə, darçın istehlakı qanda antioksidant səviyyəsini əhəmiyyətli dərəcədə artıra bilər ki, bu da öz növbəsində bədəndəki iltihabı azaldır və xroniki iltihabla əlaqəli xəstəliklərdən qorunmağa kömək edir.
Tədqiqatlar göstərir ki, gündəlik 1,5 qram və ya üç çay qaşığı darçın qəbul etmək metabolik pozğunluğu olan insanlarda triqliserid, ümumi xolesterol, LDL xolesterol və qan şəkəri səviyyəsini azalda bilər. Bu da ürək xəstəliyi riskini azaldır.
İnsulin müqavimətinə qarşı mübarizə aparır və qan şəkərinin səviyyəsini aşağı salır. İnsulin müqaviməti inkişaf edən hər kəs 2-ci tip diabet inkişaf riski altındadır. Darçının bu baxımdan bəzi sağlamlıq faydaları da ola bilər. Xüsusilə, ədviyyat mövcud insulin müqavimətini azaltmağa kömək edir və qan şəkərinin daha yaxşı tənzimlənməsini təşviq edir. 2003-2018-ci illər arasında aparılan tədqiqatların meta-analizi bir-altı qram darçın tozunun 2-ci tip diabet üçün əlavə terapiya kimi faydalı ola biləcəyini müəyyən etdi.
2017-ci ildə dərc olunmuş elmi məqalədə darçının beyində tau zülallarının və həmçinin Alzheymer xəstəliyinin inkişafına səbəb olan beta-amiloid peptidlərin toplanmasının qarşısını aldığı aşkar edilmişdir.
Doza ilə diqqətli olun! Bu ədviyyatın həddindən artıq dozasından çəkinin.
Darçının tərkibində böyük dozalarda qaraciyərə zərər verə bilən kumarin var.
Aygün Musayeva
