“Kəpəz”in bıçaqlanan futbolçusu Veysəl Rzayevin vəziyyəti yaxşıdır.
Bu barədə “Qafqazinfo”ya futbolçunun atası Mehman Rzayev məlumat verib.
O bildirib ki, oğlunun durumu yaxşılaşıb: “Oğlumun durumu yaxşıdır. Ciddi bir təhlükə yoxdur. Sadəcə mən indi danışacaq halda deyiləm”.
M.Rzayev hadisənin necə baş verməsi barədə məlumata sahib olmadığını deyib: “Hadisə barədə heç bir şey bilmirəm. Nə vuran ortada da var, nə də vurulan danışır. Yəni heç bir informasiya əldə edə bilmirik”.
