ain.az, Cebheinfo portalından verilən məlumatlara əsaslanaraq xəbər verir.
TƏBİB “Uşaqların icbari dispanserizasiyadan keçirilməsinə dair Dövlət Proqramı”nın icrası istiqamətində tədbirləri davam etdirir.
“Cebheinfo.az” xəbər verir ki bu barədə TƏBİB məlumat yayıb.
Bildirilib ki, Şirvan, Qusar, Gəncə, Oğuz, Qobustan və Astarada keçirilən müayinələr zamanı ümumilikdə 3 375 uşaq ilkin müayinələrə cəlb edilib.
Şirvan Şəhər Mərkəzi Xəstəxanasının tibb heyəti tərəfindən 1 060, Qusar Rayon Mərkəzi Xəstəxanası tərəfindən 860, Gəncə Şəhər Birləşmiş Xəstəxanası tərəfindən 213, Oğuz Rayon Mərkəzi Xəstəxanası tərəfindən 173, Qobustan Rayon Mərkəzi Xəstəxanası tərəfindən 102, Astara Rayon Mərkəzi Xəstəxanası tərəfindən 967 uşaq ilkin müayinələrdən keçirilib.
Müayinələr zamanı xəstəlik aşkarlanan uşaqlarla bağlı məlumatlar həm məktəb rəhbərliyinə, həm də valideynlərə təqdim olunub. Şagirdlərə ilkin səhiyyə xidməti göstərən tibb müəssisələrinə müraciət edərək geniştərkibli müayinələrdən keçmək və aşkarlanmış xəstəliklərin müalicəsinə başlamaq tövsiyə edilib.
Qeyd edək ki, uşaqların icbari dispanserizasiyası Azərbaycan Respublikası Prezidentinin 5 mart 2013-cü il tarixli Fərmanına uyğun olaraq həyata keçirilir.
İcbari dispanserizasiyanın əsas məqsədi uşaqlar, o cümlədən məktəblilər arasında xəstələnmə hallarının, sağlamlıq imkanlarının məhdudluğunun və ölüm səviyyəsinin azaldılmasıdır.
Dispanserizasiya çərçivəsində uşaqlara illik profilaktik baxışlar aparılır. Onlar hər il bir və ya bir neçə ixtisas üzrə mütəxəssislər – həkim-pediatr, həkim-stomatoloq, həkim-nevroloq, həkim-ümumi cərrah, həkim-endokrinoloq, həkim-uroloq, həkim-oftalmoloq, otorinolarinqoloq, həkim-dermatoloq və digər həkimlər tərəfindən diaqnostik, laborator müayinələrə cəlb edilirlər.
Gülər
“Cebheinfo.az”
Problemlərinizi bizə yazın, şahidi olduğunuz hadisələri çəkib göndərin
Daha ətraflı məlumat və yeniliklər üçün ain.az saytını izləyin.
