İtaliyanın ev sahibliyi ilə keçirilən Milan-Kortina 2026 Qış Olimpiya Oyunlarında həyəcan 3 idman növü üzrə keçirilən müsabiqələrlə başlayıb.
İtaliyada təşkil olunan 25-ci Qış Olimpiya Oyunlarının rəsmi açılış mərasimindən əvvəl idmançılar kyorlinq, buz xokkeyi və bədii fiqurlu konkisürmə növlərində mübarizə aparıblar.
Yarışların nəticələri
Kyorlinq:
Qarışıq cütlüklərin oyunlarında aşağıdakı nəticələr qeydə alınıb:
Böyük Britaniya İsveçi 7-4, Cənubi Koreyanı isə 8-2 hesabı ilə məğlub edib.
İtaliya İsveçrə üzərində 12-4, Estoniya üzərində isə 7-4 hesablı qələbə qazanıb.
ABŞ Kanadanı 7-5, Çexiyanı isə 8-1 hesabı ilə üstələyib.
Norveç İsveçə 9-0 hesabı ilə qalib gəlib.
Qadınlar arasında buz xokkeyi:
Yaponiya Fransanı 3-2 hesabı ilə məğlub edib.
İsveçrə Çexiya üzərində 4-3 hesablı qələbə çalıb.
Bədii fiqurlu konkisürmə
Bundan əlavə, idmançılar bədii fiqurlu konkisürmə üzrə komanda yarışlarında öz bacarıqlarını nümayiş etdiriblər.
