İranın Atom Enerjisi Təşkilatının rəhbəri Məhəmməd İslami bildirib ki, Tehranın 60 faiz zənginləşdirilmiş uranı durulaşdırması bütün sanksiyaların ləğv edilib-edilməyəcəyindən asılıdır.
İran Tələbə Xəbər Agentliyinə (ISNA) danışan İslami, Tehranın nüvə proqramı və zənginləşdirilmiş uranla bağlı qiymətləndirmələr apardı.

İslami, zənginləşdirilmiş uranın ölkədən çıxarılması məsələsinin onların gündəliyində olmadığını və bu məsələnin Omandakı danışıqlarda müzakirə olunmadığını bildirdi. O, əlavə etdi ki, ölkəsində 60% zənginləşdirilmiş uranın durulaşdırılması bütün sanksiyaların ləğv edilib-edilməməsindən asılıdır.


İslami, Beynəlxalq Atom Enerjisi Agentliyinin (BAEA) İranın nüvə obyektlərinə edilən hücumlarla bağlı səssiz qaldığına diqqət çəkərək, "Müfəttişlər hücuma məruz qalmayan mərkəzləri yoxladılar. Onlar yaxın günlərdə bəzi digər mərkəzləri də ziyarət edəcəklər" dedi.

Hücuma məruz qalan obyektlərin yoxlanılması ilə bağlı BAEA ilə razılığa gələ bilmədiklərini qeyd edən İslami, Agentliyin bu məsələdə səssiz qaldığını iddia etdi.

İslami həmçinin Omanda keçirilən danışıqlarla bağlı açıqlamalar verib.

Danışıqlar səmimi aparılarsa, fərqli bir mənzərənin ortaya çıxacağını vurğulayan İslami, nüvə məsələsinin artıq bəhanə kimi istifadə edilməməli olduğunu bildirib.

İran xarici işlər naziri Abbas Əraqçi də ABŞ və İsrailin bombardmanlarının İranın nüvə potensialını məhv edə bilməyəcəyini iddia edərək, "(Uran) zənginləşdirmə fəaliyyəti davam etməlidir və bu, bizim haqqımızdır. Lakin biz zənginləşdirmə (dərəcə) ilə bağlı sakitləşdirici bir razılaşmaya hazırıq" ifadəsini işlədib.




aia.az
Tərcümə şöbəsi

• Tükənmə
• Uçurum
• Zənginləşdirilmiş Uran
• Hisslər
• İran