Azərbaycanın I Liqasında 14-cü tur bu gün start götürəcək.
Fanat.Az xəbər verir ki, iki günü əhatə edəcək turun açılış günündə keçiriləcək görüşlərdən ikisi 14:30-da, biri 17:00-da başlayacaq.
Bugünkü oyunlar ilk "üçlük"də qərarlaşan komandaların iştirakı ilə reallaşacaq. İkinci yerdə qərarlaşan "Baku Sportinq" iddialılardan MOİK ilə üz-üzə gələcək. Rahid Əmirquliyevli “Şahdağ Qusar” isə Cavid Hüseynovun komandası “Cəbrayıl”ı sınağa çəkəcək.
Turun mərkəzi oyununda isə çempionluğa iddialı iki komanda - lider "Şəfa" ilə üçüncü yerdə qərarlaşan "Səbail" münasibətlərinə aydınlıq gətirəcəklər.
Azərbaycan I Liqası
XIV tur
12 fevral
14.30. “Şahdağ Qusar” – “Cəbrayıl”
Hakimlər: Kamran Əliyev, Rasim Axundov, Samir Qaracayev, Şamil İmanzadə.
Hakim-inspektor: Asim Xudiyev.
AFFA nümayəndəsi: Emin Cəfərov.
Şamaxı. Olimpiya İdkan Kompleksinin stadionu.
14.30. “Baku Sportinq” – MOİK
Hakimlər: Əkbər Əhmədov, Vüqar Bayramov, Ruslan Babayev, Mahmud Bağırzadə.
Hakim-inspektor: İmanxan Sultani.
AFFA nümayəndəsi: Eldəniz Musayev.
Buzovna qəsəbə stadionu.
17.00. “Səbail” – “Şəfa”
Hakimlər: Rəşad Əhmədov, Orxan İbişov, Mirnihad Seyidov, Nahid Xasıyev.
Hakim-inspektor: Babək Quliyev.
AFFA nümayəndəsi: Elçin Mehtiyev.
“Bayıl Arena”.
