İran hakimiyyəti keçmiş parlament üzvü İbrahim Əsgərzadəni və İranın islahatçı partiyalarının alyansı olan İslahatçı Cəbhəsinin nümayəndəsini azadlığa buraxıb...
Poliqon xəbər verir ki, bu barədə vəkili Höcət Kermani ISNA-ya bildirib.
Onlar dekabrın sonlarında İslam Respublikasında başlayan etirazlardan sonra həbs olunublar.
Vəkil aydınlaşdırıb ki, onlar girov müqabilində azadlığa buraxılıblar. İbrahim Əsgərzadə 1988-1992-ci illərdə Məclisin (İran parlamenti) üzvü və 1999-2003-cü illərdə Tehran Şəhər Şurasının üzvü olub.
İnsan haqları təşkilatlarının məlumatına görə, etirazlar başlayandan bəri İranda 40 minə qədər insan saxlanılıb. The New York Times qəzetinin məlumatına görə, bəziləri iğtişaşlar və terrorizm təşkil etməkdə ittiham olunublar.
İranda etirazlar 2025-ci ilin dekabr ayının sonlarında milli valyutanın çökməsi və qiymətlərin kəskin artması səbəbindən başlayıb. Etirazçılar rejim dəyişikliyini tələb ediblər. İran hakimiyyəti 21 yanvarda etirazlara qarşı basqın elan edib.
Poliqon.info
