Müxtəlif dövrləri əhatə edən araşdırmalar zamanı cinayət əlamətləri aşkar olunub və toplanmış sənədlər 62 halda hüquqi qiymət verilməsi üçün aidiyyəti istintaq orqanlarına göndərilib.
Hafta.az xəbər verir ki, bu barədə Milli Məclisin Regional məsələlər komitəsinin bu gün keçirilən iclasında müzakirəyə çıxarılan Bələdiyyələrin fəaliyyətinə inzibati nəzarəti həyata keçirən orqanın - Ədliyyə Nazirliyinin illik məruzəsində qeyd olunub.
Sənəddə bildirilib ki, həmin materiallardan 14-ü üzrə cinayət işi başlanıb, 17-si üzrə qanun pozuntularının aradan qaldırılması ilə bağlı təqdimatlar verilib, 31-i üzrə isə araşdırma yekunlaşıb.
Məruzədə həmçinin 3 protokolun məhkəmələrin icraatında olduğu vurğulanıb. Qeyd edilib ki, bir sıra rayon bələdiyyələrində qanun pozuntuları aşkarlanıb.
Tahirə Qafarlı
