30 ildən artıq müddətdə ilk dəfə olaraq, Azərbaycan vətəndaş cəmiyyəti nümayəndələri Tavuş vilayətinin Kirants rayonunda quru yolu ilə Ermənistan-Azərbaycan sərhədini keçərək Ermənistana gəliblər.
Publika.az xəbər verir ki, Ermənistan İctimai Radiosunun məlumatına görə, səfər "Sülh Körpüsü" təşəbbüsünün bir hissəsidir. 13-14 fevral tarixlərində Ermənistanda Ermənistan və Azərbaycan vətəndaş cəmiyyəti nümayəndələrinin iştirakı ilə ikitərəfli dəyirmi masa müzakirəsi keçiriləcək.
Azərbaycan nümayəndə heyəti pasportlarına viza möhürü vurmaq da daxil olmaqla, bütün tələb olunan keçid prosedurlarını tamamladıqdan sonra quru sərhədinin hazırda delimitasiya olunmuş və demarkasiya olunmuş yeganə hissəsindən Ermənistana gəlib.
