Oxu.az portalından alınan məlumata görə, ain.az xəbər verir.
Bakıda yol hərəkətinin təhlükəsizliyinin artırılması məqsədilə magistral yollarda zərbəudan xüsusi təhlükəsizlik baryerlərinin quraşdırılmasına başlanılıb.
Bu məlumat Oxu.Az-ın sorğusuna cavab olaraq Azərbaycan Yerüstü Nəqliyyat Agentliyindən (AYNA) verilib.
Bildirilib ki, artıq ilk belə baryer Bakı Kənar dairəvi yolda quraşdırılıb.
Qurumun məlumatında qeyd olunub ki, aparılan təhlillərin nəticəsinə əsasən, yol-nəqliyyat hadisələrinin daha çox baş verdiyi və risk ehtimalı yüksək olan ərazilərdə xüsusi zərbəudan təhlükəsizlik baryerlərinin quraşdırılması mərhələli şəkildə davam etdiriləcək.
"Qurğunun əsas funksiyası avtomobilin birbaşa sərt metal və ya beton baryerə çırpılmasının qarşısını almaqdır. Təhlükəsizlik elementi dəmir məhəccərin ön hissəsinə yerləşdirilib. Bu isə toqquşma zamanı yaranan zərbənin gücünü zəiflədərək sürücü və sərnişinlərin ağır xəsarət alma riskini azaltmağa, eyni zamanda nəqliyyat vasitələrinə dəyən ziyanı minimuma endirməyə xidmət edir.
Qeyd edək ki, bu cür təhlükəsizlik elementləri xüsusilə nəqliyyat vasitələrinin idarəetmədən çıxdığı və digər səbəblərdən baş verə biləcək hadisələr zamanı xüsusi əhəmiyyət daşıyır", - deyə məlumatda bildirilir.
Əzizə İsmayılova
Daha ətraflı məlumat və yeniliklər üçün ain.az saytını izləyin.
