Vinisius Junior 2026-cı il dünya çempionatı ərəfəsində ən güclü millilərin adını açıqlayıb.
QOL.az xəbər verir ki, "Real"ın futbolçusu "Madrid Xtra" nəşrinə açıqlamasında bildirib.
O, mundial öncəsi favorit hesab etdiyi komandalar arasında Argentina, Fransa, İspaniya və Portuqaliyanın adını çəkib.
“Dünya çempionatı öncəsi ən yaxşı millilər? Onların sayı çoxdur. Portuqaliyanın, İspaniyanın, Fransanın və Argentinanın oyununu bəyənirəm. Bu dörd komanda ən yaxşısıdır, son dünya çempionatından bəri heyət baxımından demək olar ki, dəyişməyiblər”, – deyə futbolçu vurğulayıb.
Qeyd edək ki, 2026-cı il dünya çempionatı 11 iyun–19 iyul tarixlərində ABŞ, Meksika və Kanadada keçiriləcək. Turnirin son qalibi Argentinadır.
