Dünən Telegram mesajlaşma proqramının idarəsi 235 282 kanal və qrup çatının fəaliyyətini dayandırıb.
Bu göstərici 23 yanvar tarixindən sonra ən yüksək səviyyədir; o zaman məhdudiyyətlərə 300 840 icma məruz qalmışdı.
Milli.Az xəbər verir ki, bu rəqəmlər platformanın rəsmi statistikasında yer alıb.
Fevral ayının ilk günlərindən etibarən Telegramda 1 856 069 publika və qrup bloklanıb. Cari ilin əvvəlindən bu yana ümumilikdə silinmiş resursların sayı 7 256 305-ə çatıb ki, onlardan 27 282-si terror fəaliyyəti ilə əlaqəli olub.
Şirkət nümayəndələri bildiriblər ki, 2015-ci ildən etibarən moderatorluq sistemi istifadəçi müraciətləri və maşın öyrənməsi vasitəsilə proaktiv monitorinq əsasında fəaliyyət göstərir. 2024-cü ilin əvvəlində isə bu mexanizmlər süni intellekt əsaslı alətlərlə təkmilləşdirilib.
Ayxan
Milli.Az
