Azərbaycanın enerji siyasəti qlobal enerji keçidinə istiqamətlənib. Günəş və külək enerjisinə keçid həm ekoloji, həm də iqtisadi baxımdan strateji məsələdir. Azərbaycan kimi enerji ölkəsi üçün bu keçid böyük əhəmiyyət kəsb edir.
KONKRET.az xəbər verir ki, iqtisadçı ekspert Natiq Cəfərli Pravda.az-a açıqlamasında deyib ki, son 15 il ərzində dünyanın bir çox ölkələrində günəş və külək enerjisinə keçid istiqamətində ardıcıl və sistemli addımlar atılır:
“Azərbaycanda da bununla bağlı addımlar atılır. Ancaq neft-qaz sektorunu yaxın gələcəkdə əvəz etməyəcək. Belə bir yanaşma gözlənilmir. Ən azı 50 il neft və qaz əsas dominant mövqelərini qoruyub saxlayacaq. Amma bu sahədə inkişaf gedir. Külək və günəş enerjisinin əldə edilməsinin maya dəyəri aşağı düşdükcə, yeni texnologiyalar yarandıqca onlar addım-addım neft və qazı bəzi sahələrdə əvəz edə biləcəklər. Ən azından elektrik enerjisinin istehsalında neft və qazdan istifadə azalacaq”.
