ain.az xəbər verir, Idman.biz saytına əsaslanaraq.
İtaliyanın “Yuventus” komandası klub tarixində ilk dəfə olaraq UEFA Çempionlar Liqası matçında beş qol buraxıb.
2025/26 mövsümünün Çempionlar Liqası pley-off mərhələsinin ilk oyununda Turin klubu Türkiyənin “Qalatasaray” komandasına 2:5 hesabı ilə məğlub olub. Komandalar Türkiyənin İstanbul şəhərindəki “RAMS Park” stadionunda oynayıblar.
“Opta Sports” telegram kanalının məlumatına görə, “Yuventus” Avropa yarışlarında sonuncu dəfə beş və ya daha çox qol 1958-ci ildə “Viner”ə 7:0 hesabı ilə uduzduqları oyunda buraxıb. Bu məğlubiyyət Avropa Çempionlar Kubokunda baş verib.
“Qalatasaray” və “Yuventus” arasında ikinci oyun 25 fevralda Turindəki “Allianz” stadionunda keçiriləcək.
İdman.Biz
Sonrakı hadisələr barədə daha çox məlumat almaq üçün ain.az saytını izləyin.
