Oxu.az saytından alınan məlumatlara görə, ain.az xəbər verir.
Fransada haker 1.2 milyon bank hesabının məlumatlarını ələ keçirib. Hakimiyyət orqanları yaxın vaxtlarda kiberhücumdan zərər çəkən bank müştəriləri ilə əlaqə saxlayacaqlarını bəyan ediblər.
Oxu.Az xəbər verir ki, bu barədə Fransa İqtisadiyyat Nazirliyi rəsmi məlumat yayıb.
Hadisə bu ilin yanvar ayında baş verib. Özünü vəzifəli şəxs kimi təqdim edən kibercinayətkar Fransa banklarında açılmış hesablar barədə geniş məlumat bazasına giriş əldə edib. Nəticədə müştərilərin bank hesab nömrələri (RIB/IBAN), şəxsi məlumatları, ünvanları və bəzi hallarda vergi ödəyicilərinin identifikasiya nömrələri oğurlanıb.
İqtisadiyyat Nazirliyinin açıqlamasına görə, ələ keçirilən məlumatlar hesablardan birbaşa vəsait köçürmək və ya pulları nağdlaşdırmaq üçün kifayət deyil. Lakin mütəxəssislər xəbərdarlıq edirlər ki, bu informasiyalar daha mürəkkəb dələduzluq sxemlərində istifadə oluna bilər. Məsələn, cinayətkarlar kreditor adından çıxış edərək müştəriləri aldadıb, hesablarından birbaşa ödənişlərin həyata keçirilməsinə icazə ala bilərlər.
Daha ətraflı məlumat və yeniliklər üçün ain.az saytını izləyin.
