Böyük Britaniya kral ailəsinin üzvü, York hersoqu Endryu Mountbatten-Vindzor səlahiyyətlərindən sui-istifadə etməkdə şübhəli bilinərək saxlanıldıqdan sonra şərti ilə azadlığa buraxılıb.
“Yeni Sabah” BBC News-a istinadla xəbər verir ki, kral III Çarlz qardaşının saxlanılması ilə bağlı açıqlamasında məsələni “dərin narahatlıqla” qarşıladığını bildirib.
O vurğulayıb ki, iş ədalətli şəkildə araşdırılacaq və hüquq-mühafizə orqanları kral ailəsinin tam dəstəyinə malikdir.
Endryu Mountbatten-Vindzor 2025-ci ilin oktyabrında rəsmi “şahzadə” titulundan məhrum edilib və kral malikanəsini tərk edib. Buna baxmayaraq, o, monarxın oğlu kimi Böyük Britaniya taxt-tacına varislik siyahısında səkkizinci yerdə qalır.
O, amerikalı maliyyəçi Cefri Epşteyn ilə əlaqələrinə görə ciddi ictimai və hüquqi təzyiqlərlə üzləşib. Endryu isə ona qarşı irəli sürülən bütün ittihamları qəti şəkildə rədd edir.
Telegram kanalımız
