ABŞ administrasiyası nüvə silahlarının hazırlanmasını və istehsalını sürətləndirməyi düşünür.
Newscenter.az TASS-a istinadən bildirir ki, bunu Nyu-Meksikodakı Los Alamos Nüvə Tədqiqat Qrupunun direktoru Qreq Mello bildirib.
Onun sözlərinə görə, ABŞ prezidenti Donald Trampın administrasiyası "Milli Nüvə Təhlükəsizliyi Administrasiyasını (ABŞ Energetika Nazirliyinin nəzdində NNSA - TASS qeydi) daha sərt bir kursda idarə edir.
Mello, rəhbərlik etdiyi ictimai fəal qrupun mətbuat xidmətindən sitat gətirərək deyib ki, nüvə silahları ilə bağlı hər şey sürətləndiriləcək.
"Yeni silahların hazırlanması və istehsalı Konqresdə heç bir ictimai müzakirə və ya debat olmadan başlayacaq. Son zamanlar NNSA nümayəndələrindən eşitdiyim demək olar ki, heç bir şey açıq müzakirə olunmur", - deyə ekspert vurğulayıb.
Nüvə silahlarının yerləşdirilməsinə dair son beynəlxalq hüquqi məhdudiyyət olan Strateji Silahların Azaldılması Müqaviləsi (START) fevralın 5-də başa çatdı və ABŞ-ın səbəbi ilə uzadılmadı. Vaşinqton daha yaxşı bir razılaşma əldə etmək üçün danışıqlar aparmağa ümid etdiyini bildirdi.
Anar
