BAKI, 21 fevral. TELEQRAF
ABŞ Prezidenti Donald Tramp Potomak çayına sızan çirkab sulara görə Vaşinqtonda fövqəladə vəziyyət elan edib.
Teleqraf xəbər verir ki, bu barədə Federal Fövqəladə Halların İdarə Edilməsi Agentliyi məlumat yayıb.
Agentlik qeyd edib ki, paytaxt çayına kanalizasiya sisteminin sızması ekoloji vəziyyətə təsir göstərməyə davam edir və Amerika liderinin qərarı bu problemin həlli üçün əlaqələndirilmiş səylərə imkan verəcək.
Fevralın 19-da Vaşinqton şəhərinin meri Muriel Bouzer Potomak çayına çirkab sularının sızması səbəbindən şəhərdə fövqəladə vəziyyət elan edib.
Tramp əvvəllər Vaşinqtonla qonşu olan bir ştatda minlərlə ton çirkab sularının Potomak çayına sızması nəticəsində ekoloji fəlakətin baş verdiyini iddia etmişdi . Amerika lideri fəlakətə görə Merilend qubernatoru, demokrat Ues Muru günahlandırıb. Trampın sözlərinə görə, yerli hakimiyyət orqanları çirkab sularının çaya axmasına səbəb olan kanalizasiya sızmasının öhdəsindən gələ bilmir.
